السبت 09/مايو/2026 – 08:58 م
قرر المحامي العام الأول لنيابات أكتوبر المستشار مصطفى بركات، ورئيس نيابة أول أكتوبر المستشار كريم جلهوم، إحالة مستشار سابق متهم بقتل طليقته، بإطلاق النار عليها داخل الممشى السياحي بمدينة 6 أكتوبر إلى المحاكمة.
القاضي المتهم بقتل طليقته: خدت قراري ولم أتردد لأنها خسرتني كل حياتي
وكشف القاضي المتهم في اعترافات تفصيلية عن كيفية تنفيذه مخطط جريمة قتل طليقته، قائلا: أنا يوم 2025/7/8 روحت عند بيتها في الهرم وفضلت واقف من الساعة 11 الصبح لحد ما هي نزلت على حوالى الساعة 8:30 مساء وركبت سيارتها وأنا فضلت ماشي وراها بعربية أخويا، لحد ما هي وصلت عند الممشى السياحي في أول أكتوبر.
وأضاف المتهم بالتحقيقات: أنا كنت وراها وركنت عربيتها وراحت نزلت ركبت عربية مع واحد معرفوش وأنا ساعتها قولت دي فرصتي وروحت نازل من العربية بسرعة وضارب طلقة في الهواء علشان الممشى في ناس ماشية فقولت أضرب طلقة في الجو علشان كله يجري ومحدش يمسكني وبعد ما ضربت الطلقة في الجو جريت على العربية اللي ركبتها وضاربتها بـ 3 طلقات، وفجأة لاقيت الناس من ورايا مسكوني.
س: ما سبب ذهابك يوم الواقعة أسفل مسكنها؟
ج: كنت براقبها علشان مستنيها تنزل واعرف أموتها.
س: هل كنت على علم بأنها داخل محل سكنكها وخروجها بذات يوم الواقعة؟
ج: أيوه.
س: كيف نمى إلى علمك ذلك؟
ج: لأني كنت متجوزها ومتأكد أنها بتنزل كل يوم.
س: أين كنت تكمن حتى خروجها من مسكنها تحديدا؟
ج: كنت قاعد على قهوة أمام البيت.
س: ما مدى تراجعك في قرارك ومخططك الإجرامي بشأن إزهاق روحها؟
ج: كنت واخد قراري إني هموتها لأنها خسرتني كل حياتي ومتراجعتش لحظة في قراري.