السبت 02/مايو/2026 – 04:13 م
قال المحامي أحمد سيف، إن جهات التحقيق المختصة بالجيزة، قررت تجديد حبس عامل بتهمة قتل قهوجي بسبب خلافات مالية 15 يوما على ذمة التحقيقات.
تجديد حبس عامل متهم بقتل قهوجي في كرداسه 15 يومًا
وقال شقيق المجني عليه في بث مباشر لـ القاهرة 24 إن تفاصيل الواقعة تعود إلى تدخل شقيقه ويعمل في مقهى لحل خلاف مالي بين المتهم وشخص آخر، لافتًا إلى أنه لم يكن طرفًا في هذا الخلاف وليس له صلة به.
وأضاف: المتهم طلب من أخويا يتصل له على شخص تاني عشان ييجي يقابله في القهوة بتاعته، وبالفعل الشخص ده جه والمتهم اتخانق معاه عشان كان بيطالبوا بفلوسه اللي هما 1500 جنيه، فأخويا صعب عليه الراجل وقاله اصبر عليه شوية وهيجبلك الفلوس.
وأوضح شقيق المجني عليه من خلال بث مباشر عبر القاهره 24، أنه بعد مرور أيام قليلة توجه المتهم إلى شقيقه في المقهى وطالبه بالمال، فرد عليه شقيقه وأخبره أنه تدخل فقط لحل الخلاف وليس له علاقة به.
وأكمل: المتهم طالب أخويا بالفلوس فرد وقاله إنه مالوش دعوة وإن الراجل هيجيب الفلوس لما يجمعها، فـ اتخانق معاه وشتمه وأخويا قاله أنا هرد على والدك مش عليك، وبعدها بشوية المتهم مشي وجاب معاه ناس كتير وضربوا أخويا في الشارع، والمتهم طعن أخويا تحت قلبه وخلص عليه وفارق الحياة متأثرًا بإصابته.