تغنى أحمد حسام ميدو نجم الزمالك السابق بمحمد صلاح لاعب فريق ليفربول الإنجليزي ومشواره في الساحرة المستديرة.
وكتب ميدو عبر حسابه على منصة إكس: “أكبر تضحية هو انك يكون عندك القدرة المادية والجسدية والشهرة وكل الناس تتمنى تبقى حواليك وانت تختار انك تقفل على نفسك وتنام بدري وتاكل اكل صحي وكل اصحابك رايحين الساحل يتبسطوا وانت طالع في الصيف معسكر فترة اعداد مع فريقك”.
وتابع: “ده غير الضغط العصبي والنفسي الكبير اللي بيقع عليك من الجمهور والاعلام لانك نجم الفريق ومطالب انك تكسبه كل اسبوع غير كده ماحدش هيسمي عليك!! هو ده اللي كان يقصده محمد صلاح بانه ضحى بشبابه..”.
وواصل: “الحياة اختيارات وقرارات وصلاح قرر انه يعيش للكورة وربنا كرمه أخر كرم لإنه تعب وضحى وكان راجل بار بأهله وأكرم كل الناس اللي حواليه.. كلنا لازم نتعلم من صلاح كل شباب مصر لازم يحطوا صلاح قدامهم ان مفيش حاجه اسمها مستحيل…”.