الأربعاء 20/مايو/2026 – 03:19 م
كشفت التحقيقات تفاصيل واقعة اتهام صاحبة كافيه بمدينة نصر بالقاهرة بالتجهيز لحفل أعده البلوجر كروان مشاكل لأحد أصدقائه.
التحقيقات في واقعة اتهام صاحبة كافيه بالتجهيز لحفل كروان مشاكل دون تراخيص بمدينة نصر
وجاءت أقوال البلوجر كروان مشاكل أمام جهات التحقيق بسؤال ما هي ظروف ضبطك وعرضك علينا وأوجه دفاعك عن نفسك؟
ج: اللي حصل أنا كان فيه واحد صاحبي اسمه عبدالله. ن. ز، والشهير بيطاطا مشاكل ده كان صاحبي ومن حدائق القبة واتخناقنا مع بعض عشان اخد نفس اسمي (مشاكل) وسما اسمه بطاطا (مشاكل) على التيك توك وهو كان عامل عيد ميلاده في مدينة نصر وـنا مليش دعوة بعيد الميلاد ده ولا دعيت ليه ولا اعرف حاجة عنه ولا بأي حاجة وفجاة لقيت الحكومة بتدور عليا واكتشفت أنهم راحو البيت بتاعي في المهندسين مكنتش موجود وراحوا بيت أمي في الحدائق وسألو عليا وأمي قالتلي إن الحكومة بتدور عليك فروحت قسم حدائق القبه وسألت هو فيه حاجة قالولي مفيش عليك حاجة وفجأة لقيتهم عندي في بيت الحدائق وأخدوني على قسم أول مدينة نصر وجابوني على هنا وهو ده اللي حصل.
س: ما هي مؤهلاتك العلمية؟
ج: أنا في 3 ثانوي مهني.
س: وما سبب تأخرك الدراسي حتى بلوغك 24 عاما؟
ج: عشان ده بيرجع لرسوبي في المرحلة الإبتدائية في الصف الرابع والخامس وفي المرحلة الثانوية رسبت أكثر من مرة في الصف الأول والثاني والثالث ومش عارف اسم المدرسة الثانوية اللي أنا فيها إيه.
س: ما هو طبيعة عملك ومصدر رزقك تحديدًا؟
ج: أنا عندي توك توك بشغل واحد عليه في حدائق القبه وبيجيلي حوالي 270 جنيه في اليوم وباخد معاش كفالة وكرامة.
س: وبكم يقدر دخلك الشهري تحديدًا؟
ج: حوالي ٧٥٠٠ جنيه.
س: وما صلتك بوسائل التواصل الاجتماعي؟
ج: أنا عندي حساب على التيك توك اسمه كروان مشاكل وعندي متابعين يبلغ عددهم 2 مليون و800 ألف متابع.
س: وما طبيعة المحتوى الذي تقوم بنشره على مواقع التواصل الاجتماعي؟
ج هي فيديوهات كوميدية وبعض اللقطات المصورة اللي بتضحك المتابعين ليا.
س: وهل يدر ذلك المحتوى ثمة دخل لك؟
س: إذا وما غرضك من نشر ذلك المحتوى؟
ج: عشان عايز أبسط الناس وأضحكها.
س: ما هي بيانات المدعو بطاطا (اسم شهرة) تحديدًا؟
ج هو اسمه عبدالله. ن. ز.
س: وما طبيعة العلاقة فيما بينكما؟
ج ده واحد صاحبي من عندي في المنطقة في حدائق القبة
س: وهل تتسم تلك بوجود منفعة مادية فيما بينكما؟
ج: لا خالص هو من عندي في المنطقة بس.