الثلاثاء 21/أبريل/2026 – 10:47 م
حصل القاهرة 24 على التحقيقات في واقعة اتهام صيدلي بمدينة نصر، بالإتجار في المواد المخدرة، وبيعها لعملائه مقابل مبالغ مالية.
صيدلي يتورط في بيع مواد مخدرة
وأفادت التحريات، بإتجار شخص يدعى “محمد. ش” في الأمبولات المخدرة والمؤثرة على الحالة النفسية والعصبية بأنواعها المختلفة، وأنه يتخذ من دائرة قسم شرطة مدينه نصر أول بالقاهرة مسرحا لمزاولة نشاطه الإجرامي.
واستمعت جهات التحقيق للمتهم “محمد.ش”، يبلغ 37 سنة، يعمل صيدلي حر، وجاءت أقواله كالآتي:
اللي حصل إن فيه دكتور زميل اسمه أحمد من العبور كلمني وقالي إن فيه واحد تبعه جايلك وهيسيب عندي فلوس، ولما هيرجع من السفر هييجي ياخدها وبعدها بشوية لقيت أحمد بيكلمني وبيقولي الدكتور اللي جاي من طرفي تحت بيتك، فنزلت لقيت عربية نيسان لونها ذهبني غامق وفيها واحد أنا أول مره أشوفه وقالي أنا تبع الدكتور أحمد، وكان فيه واحد قاعد جنبه قدام وركبت في الكنبة اللي ورا.
وأضاف في أقواله: مرة واحدة لقيت اتنين وعرفت بعد كده إنهم حكومة، ودخلوا العربية علينا من الناحيتين فتشوني وفتشوا العربية، وخدوا مفتاح عربیتي ومفتاح البيت وفتنشوهم ملقوش حاجة وركبوني عربية وكلبشوني وأخدوني على الإدارة وخدوا عربيتي، وبعدها على قسم أول مدينة نصر وبعدها على هنا وده كل اللي حصل.
وأثببت جهات التحقيق كرتونة بيضاء اللون كبيرة الحجم بداخلها 2 كيس بلاستيكي أبيض اللون، يحوي جميعها على 65 علبه لعقاقير مختلفة عبارة عن عدد 21 علبة لعقار النالفين Nalfin وتحوى كل علبه على 10 أمبولات، و17 علبة لعقار نالبيوفين تحوي كل علبة على Nalbuphine-Sunny-Pharmaceutial صاني فارماسيوتيكال و5 امبولات، و20 علبة لعقار الأمبيوفين ALAMBUPHINE وتحوي كل علبة على 5 امبولات، وكذا 7 علب لعقار نالوفين Nalufin وتحوي كل علبة على 5 خمسة امبولات، وبعرضها على المتهم أنكر صلته بها.