ما تسألنيش عن الغربة

ولا الإنسان

ولا تسألنى عن ولدى

وعن حزنى اللى متوزع

على البلدان

ما تسألنيش عن كفة ميزان خربان

ولا التوهة ولا الغربة ولا النسيان

يا بحر مالح بيشرب من عروق الروح

وقلبى صندوق خشب عايم بيفضل يعوم

كل اللى باقى

صدى صوت ما لوش عنوان

ما تسألنيش ازاى بقيت إنسان

ولا تسألنى ازاى بقيت

إنسان مهموم وحزنى بيسافر مع الأمواج

يرسم لى الحياة بالميل

ويوهبنى الزمان موجه

بصارع فيها كل أمان

أنا التايه

وضليت الطريق والمرسى

سراب بيبعد عن الغريب

كل الخطاوى تقيلة فوق الرمل

والشيل ثقيل

أشيل فيها هموم نفسى

وخوفى أفشل

ما أنا إنسان

تايه وضليت الطريق

باحث عن مرسى ترسى فيها

دمعتى وتنام الأغنية

خلص الكلام وما بقاش غير الصمت

فركن بعيد عن العالم

أنا نمت ولا تسألنى ازاى

بقيت إنسان مهموم

وحزنى بيسافر مع الأمواج

يرسم لى الحياه

بالميل ويوهبنى الزمان

موجه أصارع فيها كل أمان

أنا التايه وضليت الطريق والمرسى

سراب بيبعد عن الغريب

كل الخطاوى تقيلة فوق الرمل

والشيل ثقيل

وتنام الأغنية

عن الهجرة غير الشرعية